F07.12.2006 nr 1360
Forskrift om nærare føresegner om oppnemning av tilsynsperson, utøving av tilsynet og godtgjering for dette.
Hjemmel: L08.04.1981 nr 7 § 43
Fastsett av Barne- og likestillingsdepartementet 7. desember 2006 med heimel i lov 8. april 1981 nr. 7 om barn og foreldre (barnelova) § 43 tredje ledd.
§ 1.
Den statlege regionale familievernmyndigheten har ansvar for at det blir oppnemnd tilsynsperson i samband med samvær, i dei tilfelle retten pålegg det etter barnelova § 43tredje stykket, anna punktum. Den forelder som skal ha samvær under tilsyn, vender seg til næraste offentlege familievernkontor.
Tilsynspersonen kan være ein ansatt fagperson ved familievernkontoret, eller ein som kontoret inngår avtale med. Tilsynspersonen må være egna i forhold til domspremissane for tilsynet.
§ 2.
Pålegg om å oppnemne tilsynsperson kan omfatte inntil 16 timer samvær per år.
§ 3.
Tilsynsperson som ikkje er ansatt i Barne-, ungdoms- og familieetaten, mottar godtgjering som dekker tapte lønnsinntekter.
Sjølvstendig næringsdrivande får dekt tapt arbeidsforteneste, normalt utrekna etter gjennomsnittleg tap per dag.
Reiseutgifter vert dekt etter reglane i "Særavtale for reiser innenlands etter statens regning".
§ 4.
Utøvinga av tilsynet skal skje i samsvar med rettens premisser for samvær under tilsyn. Tilsynspersonen har ingen oppgåver eller myndigheit utover å vera til stades, dersom det ikkje går fram av domspremissane. Med mindre retten har bestemt det, skal ikkje tilsynspersonen gi skriftleg referat om gjennomføringa av samværet under tilsyn.
§ 5.
Forskrifta trer i kraft 1. januar 2007.