Forskrift
F13.10.1992 nr 762 Forskrift om ettergjeving
F13.10.1992 nr 762
Forskrift om ettergjeving
Hjemmel: L08.04.1981 nr 7 § 74
Endring Fastsett av Barne- og familiedepartementet 13. oktober 1992 med heimel i lov 8. april 1981 nr. 7 om barn og foreldre (barnelova)
§ 74 andre stykket, andre punktum.
Endret ved F18.03.2004 nr 560 i kraft 01.04.2004, F31.05.2006 nr 617 i kraft 01.07.2006.
§ 1.
Tilskotsgjeld kan etter søknad frå den tilskotspliktige ettergjevast helt eller delvis dersom den tilskotspliktige si framtidige evne til å betale gjelda er varig sterkt sett ned.
§ 2.
Full ettergjeving av tilskotsgjeld etter § 1 kan gjevast, dersom den tilskotspliktige si varige årlege bruttoinntekt er lågare enn 75 ganger forskotsbeløpet på søknadstidspunktet. Det skal takast omsyn til tilskotspliktige si formue før gjelda vert sett ned etter reglane i første punktum.
§ 3.
Tilskotsfuten tek avgjerd om ettergjeving etter søknad frå tilskotspliktige. Tilskotsfuten kan ettergje både offentleg og privat gjeld. Tilskotsfuten skal vise varsemd ved ettergjeving av privat gjeld. Partane skal høyrast før tilskotsfuten ettergjev privat gjeld. Tilskotsfuten sitt vedtak kan klagast inn for næraste overordna organ eller det organ som Arbeids- og velferdsdirektoratet bestemmer.
§ 4.
Foreldra kan ikkje ettergje det barnet har til gode. Etter fylte 18 år kan barnet sjølv ettergje sitt tilgodehavande utan omsyn til forskrifta her.
§ 5.
Forskrifta her tek til å gjelde 15. november 1992.
F18.03.2004 nr 560 i kraft 01.04.2004. Hjemmelsfeltet er endret. Før endring:
Fastsett av Barne- og familiedepartementet 13. oktober 1992 i medhald av lov 8. april 1981 nr. 7 om barn og foreldre § 57 andre stykket, andre punktum.
F31.05.2006 nr 617 i kraft 01.07.2006. § 3 er endra. Før endring:
Tilskotsfuten tek avgjerd om ettergjeving etter søknad frå tilskotspliktige. Tilskotsfuten kan ettergje både offentleg og privat gjeld. Tilskotsfuten skal vise varsemd ved ettergjeving av privat gjeld.
Partane skal høyrast før tilskotsfuten ettergjev privat gjeld.
Tilskotsfuten sitt vedtak kan klagast inn for fylkeskontoret i trygdeetaten.